Waiting for Tomorrow/ ناطرة بكرة

 ناطرة بكرة والبكرة غريب... الفرح عم يهرب خلف الدمع بيغيب

سيف الحزن ماضي وابني وحدو راضي

وأنا قلت النعم لحتى الصليب

كل ما فرحوا الناس خوفي عم بيزيد 

بحسك متل طيف وعم تصير بعيد

واقف على تلة متروك ووحيد... مسيج بالشماتة مكبل بالحديد

غريب هالبكرة كيف جايه غريب

اشتقتلك حبيبي اشتاقولك عيوني

اشتقت لهاك البسمة والنظرة الحنونة

بركع بصليلك وجوا الروح بشيلك...من متلي يا أمي بكل المسكونة

بتنطر موعد موت مع ابنها الحبيب