Bird/ عصفور

يا ريت فيّ كون شي عصفور...مرمغ جناحي بالحبق والنور

لملم نجوم من الفلا...حوّش زهور من الحلى

نطير ونملي قلب المغارة...

وبكل حرية أعملك زيارة... قدملك هديه من أرض المغارة

أخد حجر...كسّر بحدو كل هالحيطان 

وكل السجون وكل القضبان وحرر الإنسان

نوقف أنا وياك يا يسوع, بالحب نمحي حرقة الموجوع

حطّم زمن...نعمّر وطن...من عيونا نمحي الدموع

نلغي الوجع والجوع, وعلى قد ما في حب يا رب نبقى نحب

نحيا الكرامة والمجد والعنفوان, ع أرض منها أرض هيدي رسالة

اسمها لبنان......